انا لامن دعيت الله يجيبك زدتني ببعاد

قصيده رآآآآئعه وبيتها الاول عن قصيدة بوجهة نظري المتوآآآضعه أتمنى تعجبكم

انا لامن دعيت الله يجيبك زدتني ببعاد..رح الله لا يردكـ يمكن الدعوات مقلوبه
نفش ريش الظلام وقلت عل المبطيات جداد..ورقص وجه النهار وقلت يادوبي ويادوبه

هنوف لابغت ترمش هدبها يرتفع بالكاد..يعذبها الى منه على الوجنه فتق ثوبه

اميزها عن القمرى الى من جت بلا ميعاد..والى من جت مع القمرى غدا كل واسلوبه

سحابه جدها يم وابها بارق ورعاد..بغيت اسقي بها روحي لقيت الروح مشروبه

تهادى كنها طفل يمشيه الهوى بركاد..تعطف كنها نار فراس طويق مشبوبه

تجي وان زادها قلبي غلا زادت غلا وعناد..والى من قلت يكفي بموت تقول ملعوبه

لها فوق القدر عندي مكان ماعليه اسياد..ولي في عينها نضره هلاك عصب مكتوبه

اشوف الموت لا غابت وعمري لاقبلت ينعاد..والى ابسمت غشا ظلي من الفرحه وراحوبه

بعضها آدمي لاكن بعضها ماحتوته اجساد..ملك واحلى الخلايق ماوصل بالزين عذروبه

تجي مثل الفجر لو الفجر ماهو بدوم اعياد..انا افدا ظلها لا والله افدا ظل مندوبه

تسولف للندى يسهر على النرجس يبي يزداد..تغني للمطر لليل تصيب الكون غيبوبه

وابد ماكنت احس بلسع الكرباج والجلاد..الين البارحه دمي عواذيلي تقهووبه

انا وش جابني للحب مادام اللي مضى مافاد..انا وش لي وش للموت لجل عيون رعبوبه

حبيبي لاتعلمني ابد كيف ارضي الحساد..حبيبي لاتعلم جسمي ان الروح منهوبه

وانا لامن دعيت الله يجيبك رح وزد فبعاد..كذا دايم هي اصلا فرحة العشاق معطوبه.
.
.

اصيل صح نقلك الرائع ولاهنت وقصيدة بقمة الجمال الصراحه
تقبل مروري

قصيدهـ رائعه اخوي .. دمت بخير