قصيدة الأذكياء...

أن كنـت أنا أخطي شي طبيعي لان أنا ماني نبـي

محدن عصمه الله من الاخطــاء .. كون الانبيا

فعلا أنا أخطي بس ضوّي ماتشب الاّ أحطبي

أطمح ولولا الليل .. محدن شاف فايدة الضيـا

أمشي ولو أموت وأنا أمشي .. ولاكن مـاحبي

ولا أعشق الصوره . ولا الكربون . ولا أعشق غيا

كل ماتعثّر ؟ قلت في نفسي وأنا أمس شنبي

يـاكم على الدنيا فقير .. ويحسدونه أثـريـا

أبغا أتوحّد وأنت أخذ مزهبك وأترك مزهبي

كنّا أخويا ومن بعد مازلّليت ؟ ماحن بخويـا

أبعصم رجيـلي عن دروب السخافه ياصبي

لانّي حياوي والدروب السود .. مافيها .. حيا

تعال وادعني وداع الارض للحر الابي

أنا بعللّي .. وأن دعيتك ؟ فالعفو ... للأنقيا

ماني منادي بسمك . اللّي .. ماتسموااه أجنبي

فن قلتلك .. يا ؟ .. أعرف أنّي حاشمك لاقلت ..يا

يـا؟؟.. والله وبالله وبعد الله وبي وبسببي

صارت شياطين الحروف المستهيمه ..؟ . أتقيـا

فن شفتني متعب هجوسي في رسم راس الضبي؟

ماهو علاشان أكسب أعجابات .. ريمان .. وهيـا

لالا . أنا مخلوق مبدع . مايحب ومايبي

ألاّ يقول ؟ أن الاذكيـا؟ سبّة . رسوب الاغبيـا

من الذكاء؟ أنّك تسويّ نفسك أحيانن غبي

بس الغباء؟ أنّك تذيكالك .. على ناس أذكـيا

سعد بن علوش

من الذكاء؟ أنّك تسويّ نفسك أحيانن غبي


بس الغباء؟ أنّك تذيكالك .. على ناس أذكـيا

اللهـ عليكـ

هالبيت تحطييييم

عزاللهـ آنــة جابهآآآآ

يسسلم منطووقكـ ي خـيي

من الذكاء؟ أنّك تسويّ نفسك أحيانن غبي


بس الغباء؟ أنّك تذيكالك .. على ناس أذكـيا



انـششهد

صح لسان سعد علوش

ولاهنت عالنقل