فرقا المواليف... لشاعر محمد بن فطيس

السلام عليكم ورحمة الله وبركاته

اي والله اهوجس ولاني مرتاح
والحزن في حوش الحنايا بفاروع

امسيت من وصل المواليف مزاح
واصبحت من فرقا المواليف مفجوع

البارحه في غبة الوصل سباح
واليوم من عرش المواصيل مخلوع

يا صاحبي صرح الهوى والوفا طاح
والقلب كنه من عراويه مقشوع

كان احسب ان لحبنا عشرة ارواح
الين شفت الحبل بيديه مقطوع

العام خلي يسمع القلب لا صاح
واليوم مهما صاح ماهو بمسموع

يوم العهد به حده اسبوع لا راح
اسبوع ويعود علي شوق وادموع

واليوم خمس سنين والهم ما زاح
هم الفراق اللي بلا عذر مشروع

استغفر الله تسعه شهور يا صاح
في غيبتك قمت احسب اليوم بإسبوع

ضاع الحساب وشفت برق الجفا لاح
وأيّست لولا ان الرجا في مزروع

وحالي نحل والحال ماهو بمنساح
من كثر ما ضما للمواصيل واجوع

بليت في من دونه سيوف ورماح
وغدا علي وصله مثل حبة الكوع

له مني ان سره على الناس ما باح
ولي منه ان صد ( غصب ٍِ ..بلا طوع .. )

محمد بن فطيس

صح السان ابن فطيس

ولاهنت يالغالي ع الطرح الرائع


لاخلا ولاعدم

العام خلي يسمع القلب لا صاح
واليوم مهما صاح ماهو بمسموع

صح لسان المـبدع محمد بن فطيس
وصح ذووقك..

لاهنت عالاختيار المميز
لاتحرمنا هالطله